2008(e)ko iraila 30, asteartea

Bihotz Bakartien Klubaren aurkezpena

Eitb kulturan eginikako bideo huntan xeheki aurkeztua da literatur elkarte hau. Arakalak ikuskizuna antolatu ondoan orain Katamalo ikuskizuna zabaltzen dute poesia eta musika uztartzeak gogoetak sor ditzan (horixe nauzuen jadanik aipatzen azken artikuluan). Gotzon Barandiaran eta Maialen Lujambiok idatzi testoak, Gorka Urbizu eta Alex Arregik musikatuak.
Aurkezpen adierazgarria, ez kontutan hartu haatik amaieran eman datuak (pasatuak baitira bistan dena !) hortaz aparte taldeko lagunek biziki ongi azaltzen daukute beren xedea eta nundik-noratekoak :



2008(e)ko iraila 29, astelehena

Katamalo ikuskizuna zuzenean : disko berria "Erantzi"

Goiz huntan, lanerateko bidean autoan Gure Irratia piztu eta "...hau ze kantu ederra !....nor dira ba ?..." ixil ixila entzun dut, adi adi... gitarrak, biolina, musika ongi neurtua melodia eta hitzekin, interpretazioa biziki ona... sorpresa ederra !!!
" le vrai coup de foudre !"



Katamalo Bihotz bakartien klubaren 2. ikuskizuna  da, zuzenean grabatua Gernikan uda huntan. 7 musikari ta kantari finak, gazteak, onak... hitzak edo hobeki erran poemak xoragarriak...


Gaztelupeko hotsak disketxean argitaratu disko huntarik, huna jasta "iruntzi dana" kantua :



eta hau : "ez dezala mikrofonoak agindu" kantua :



Poesia, musika akustikoa, 7 gazte hauek heldutasun gozoa eskaintzen daukute , partikatu nahi daukutena emaiten duten kontzertuetan, urrian adibidez Donostian ditugu...

2008(e)ko iraila 21, igandea

"Fête de la Corniche 2008" irailaren 27an eta 28an

3garren urtearendako antolatua den ekitaldia.
Gure euskal itsas bazter paregabearen hobeki deskubritzeko eta ororen buru ahal bezain ongi zaintzeko.
Frantzia kosta parte guzian, luze luzean itsas bazter salbai aire naturala badago, miresgarria, itsasoa eta arkaitzen arteko borroka, haizearen eragina landare berezituetan, fauna partikularra ere... zonbat edertasun !
Izan dira garai batez etxe eraikitze,  turismo gehiegikeriak eta holako... Eta kontzientizatze mugimendu bat hasi da ingurumenari buruz, zorionez eta beharrik artetan gizonak zentzu pixka bat badaukala  !!!



Beraz, konkretuki konzientizatze mugimendu hori gure itsas partean ageri da bereziki indar handiak emaiten eta emanen baitira (beha Pays basque 2020 gogoetaldia) ingurumenari buruz.

Asteburu huntan, autorik ez "corniche" deitu itsasbide famatu hortan. Oinezkoak nagusi, xirrindulariak, zaldi-karroak eta trein ttikiak...piknika hartu eta jo aitzina !









Animazio andana bat luze luzean : musika, dantza, tallier desberdin frango... hala nola "four solaire" eguzki labe bat eraikitzea...

Larunbat arratsaldean, mahai inguruak garapen iraunkorraz, Urruñako laborantxaz, turismoaz...

Igandean : Abbadia inguru guzian hanbat ekitaldi, artistikoak, ludikoak, kulturalak, didaktikoak...



Xehetasun guziak kontseilu orokorreko uebgunean hemen klikatuz :

link

2008(e)ko iraila 14, igandea

Itsas Begia Ondarearen egunakari

Irailaren 20ean eta 21ean Ondarearen egunak ospatuko dira han eta hemen mila aurpegi hartuko dituztela.
Donibane Lohizuneko kaian Itsas Begia itsas ondarea zaindu beharrez buru ta belarri ari den elkarteak hitzordua luzatzen dauku.



Irailaren 20ean, larunbatarekin, 10:00tatik 18ak artian elkarte kideak publikoa errezebituko dute hanbat animazio zabalduz.
Horietan, aipa dezagun Mikel Epalza apezak kudeatzen duen Altxa Mutillak aldizkariaren azken alearen suskripzioa idekiko da, jadanik eta hobe  erreserbatzea aldizkari hunen zenbaki berri hau, beti interes handiko dokumentua izaiten baita eta badakigu Mikelek ikerketa lan gotorra eramaten duela horren publikatzeko.

Emazteen Kontxako lehen Bandera Galiziarrentzat

Blog huntan jadanik aipatu bezala, historikoa izan da Donostiako badian Irailaren 14a huntan Kontxako estropadakari gertatutakoa.
Lehen aldikoz emazteak traineruetan lehiatzen ziren estropada famatuenean.
Larunbat arratsaldean sailkapenak iragan dira itsaso zakar batean, denboraldi onena 14 minutu inguru eta luzeena 18 minutu ingurutan.
Igande huntakoa haatik itsasoko baldintzak hobeagoak izanik denboraldiak ere hobeagoak !
Txanda nagusia goizeko 11:00etan hasi da lau talderen artean : Galizia, Astillero, Getaria-Zumaia eta Hondarribia.
Eta Galiziako selekzioak du Kontxako Bandera ospetsua irabazi 11:35 minutuz arraun eginez :


Bigarren, Astillero 11:40 minututan, hirugarren Getaria-Zumaia 11:43 tan eta laugarren Hondarribia 11:53tan. Lauak frango hurbil.
Bezperan baino 2 minutu gutiago kasik. Eragin handia dutela bai itsasoaren gorabeherek !
Dena dela, izan lehena ala azkena, neska guziak biziki pozik agertu ziren gertakari aparteko huntan parte hartzeagatik eta eguraldia txarra izan bada ere denek besta ederra egiteko prest!.
Aire freskoa ekarriko dute orain arte gizon giroan zagon traineru estropada mundu huntan !

2008(e)ko iraila 8, astelehena

Lehen aldikotz emazteak Kontxako estropadan

Bai eta hori azpimarratzekoa den gertakaria da : emaztek traineria eta battela leihaketetan parte hartzen bazuten, aurten lehen aldikotz traineruan Donostiako kontxako estropada ospetsua jokatuko dute.
Larunbatean, 18:00tik goiti sailkatze estropada talde hauekin :
- Gipuzkoatik : Hondarribia, Tolosaldea eta Zumaia-Getaria
- Bizkaitik : Arkote
- Kantabriatik : Astillero
- Galiziatik : 3 taldeetako selekzioa
- Kataluniatik : Club Rem Badalona eta Club Rem Colera

Biharamunean, Irailaren 14ean, emazteek estropada nagusia jokatuko dute 11:00etan gizonezkoena baino lehen.
2 egun hauetan ziaboga bakarrera lehiatuko dira.
Jakizazue gogoz ari direla entrenatzen handietan handiena ohorez eta ospez ekarria den Kontxako estropada.
Eta sariak ere ez dira makalak :
irabazlearentzat : bandera eta 6 200 €
bigarrenak : 4 000 €
eta hirugarrenak 3 200 €

Ea ETB telebistak erakutsiko dauzkigun emazte arraunlariak lehian, segur ikustekoa izanen dela !!!

2008(e)ko iraila 2, asteartea

2008ko Gipuzkoako Artzain eguna Legazpin


Urte guziz bezala, irailaren lehen igandean antolatzen da egun ospetsu hori Legazpin.
Datorren igandean, irailaren 7an beraz.

Artzain kultura goraltxatua.
Ardiarekin, lurra eta mendiarekin artzainak duen harreman berezia goraipatua.







Igandeko egitarau aberatsean, artzain batzu omenduak izanen dira, horietan Aldudeko 2 artzain Ameriketan egonak :

Leo Aranbel Kalifornian eta Pierra Erramouspe Wyoming-en :


2 lagun maitagarrien ibilbidea nahi baduzue hobeki ezagutu, zoazte egun horri dedikatua den uebgunera lotura huntan klikatuz :

link

Udazkeneko eguraldi ederra lagun Legazpi aldera joaiteko gutizia pizteko, beha igandeko egunaren egitaraua xeheki :

IRAILAK 7. Igandea
09:30 - Dana prest.
10:00 - Postuak ireki egingo dira.
10:00/10:45 - Gaztak jasotzeko tartea.
11:00 - Gipuzkoako Ardi Gaztaren 24.lehiaketa.
11:00 - Gazta dastaketa popularra (1go. gazta bukatzen den arte).
11:15 - Gaztagintzaren lehena eta oraina.
11:30 - Gaztetxoen Gazta Lehiaketa.
11:45 - Hazarkuma eta aharien enkantea.
12:00 - Ardi Okela Gertatze Gipuzkoako 18. lehiaketa
12:15 - Ardiak moztea neskak eta mutilak.
12:45 - Ardi okel banaketa.
13:00 - Omenaldiak:
- Gipuzkoako 4 aiton-amon artzainei.
- Ameriketan artzaintzan aritutako 4 artzain euskaldunei (horietan erran bezala P.Erramouspe eta L.Aranbel)
- Andoni Luis Aduriz
Ondoren sari banaketa.

GOIZEAN ZEHAR
- Euskal Herriko Ardi Latxa arrazako ardi eta ahari erakusketa
- Artzain txabola baten inguruan, artzaintza inguruko eskulanen eta artisautza erakusketa.
- Gazta salmenta.
- Sagardo dastaketa.
- Gazte eta helduen Rally Fotografikoa. IKATZA taldea.
14:30 - HERRI BAZKARIA
Tokia: Jubilatuen egoitza (txartelak salgai egongo dira goizean zehar).
Menua:
- Baba Beltz samurren entsalada eta ardi-gazta
- Arkume foie, tipla azukreztatuarekin eta sagar-purearekin
- Ardi latxaren solomoa, erreta eta gorria, garaiko perretxikoekin
- Ardi-okela gisatua, porru eta patatekin
- Gaztanbera, meloi-gozokiarekin
- Barne daude: ogia, ardo beltza eta gorria, ura eta kafea.
Antolatzaileak:
- Roberto Ruiz Aginaga (Restaurante Frontón Tolosa)
- Iñaki Epelde (Hotel Santuario de Aranzazu)
- Joaquin Arratibel (Divinus Catering)

ARRATSALDEAN
17:30 - Gipuzkoako XL. Artzain Txakurren Txapelketa.
Tokia: Urtatza Zahar