2014(e)ko abendua 30, asteartea

Jardunaldia urtarrilaren 17an: Jean Michel...

2014(e)ko abendua 25, osteguna

Eguberri 2014

Lehenik meza. Elizkizunak dio bestari oinarria ematen fededunari. Giro berezia sortzen du, familian partekatzen eta gozatzen dena bai bezperan eta Eguberri egunean. Iduritzen zaut urtetik urtera maitasun eta elkartasun harreman hori geroz ta gehiago sakonduz doala. Urteek erakustera ematen daukute bizia momentuko unean berean hurrupatu eta bere betean jastatu behar dela. Gertakariak aurten ere lekuko ditugu oroitarazteko lur huntako ibilbidea ez dela mugagabekoa.

Bizia bera opari bat da beraz. Eta horrez gain ukaiten dena zenbat ez den estimatzen! Haur ttiki bat bezainbat gastatua izan naiz! ze sorpresa ederrak, bat kantua lantzeko (gain-gainetik estimatzen dutana eta baliatuko). Bestea goi mailako musika gozatzeko ene senarrarekin. Pentsa! Euskadiko orkestra sinfonikoa Peter Zimmermann biolonistarekin Kursaal aretoan urtarrilaren 27an!

Liburuxka, CDa eta CDRom bat ongi kantatzen ikasteko!

Liburuxka, CDa eta CDRom bat ongi kantatzen ikasteko!

Peter Zimmermann eta Euskadiko orkestra sinfonikoa

Peter Zimmermann eta Euskadiko orkestra sinfonikoa

Anartean Zirtzil gatua bezala oporretako erritmoan sartu gira...

Eguberri 2014
Zirtzil. 2014ko abenduaren 25a.

Zirtzil. 2014ko abenduaren 25a.

2014(e)ko abendua 6, larunbata

Diska berri bat: Taizé-ko kantuak euskaraturik

Diska berri bat: Taizé-ko kantuak euskaraturik

Taizé, girixtino komunitate eukumenikoa ezaguna da eta mundu guzian hedatua, Roger fraileak sortua 1940an.

Ezaguna bereziki lau haizetarik jin gazteen topagune bilakatu delakotz. Taizéren fama zabala da ere kantatzeko moldearen bitartez. Lelo sinpleak, salmoetarik eta Ebanjeliotik hartuak, sarkorrak, errepikatzen direnak. Errepikatze horrek otoiz urrats batean nahitez sarrarazten gaituena.

Zenbat hizkuntzatan ez dira zabalduak! 

 

Eta euskaraz?

Graxi Solorzano azkaindarrak bere ametsa gauzatu du: Taizéko kantuak euskaratu eta argitaratu. Pantxika Solorzano eta Jean-Marc Xano Halsouet kantari. "Zaudezte iratzarririk" titulupean:

Taizé-ko kantuak euskaraturik. Arg. Stéphane Salerno

Taizé-ko kantuak euskaraturik. Arg. Stéphane Salerno

Taizé-ko kantuak euskaraz argitaratuak Graxi Solorzanori esker.

Taizé-ko kantuak euskaraz argitaratuak Graxi Solorzanori esker.

Graxiren eskuzabala ezagutzen dugu. Proiektu berezi bati lotu nahi izan du diska hunen mozkina, CCFD-Terre solidaire gosetearen kontra eta garapenaren alde lanean ari den komitearen proiektueri hain zuzen.

2014ko martxoan, Mustapha Euskal Herrira etorri zen parte emaitera nola CCFDri esker Mbour portuko inguruetan ekintzak muntatuak ziren senegaldar etorkin gazteak ez imigratzeko eta beren herrian bizitzeko, formakuntza tailer eta proiektu berezieri esker.

Diska hau eskuratzean (ez du prezio finkorik), guk, zuk, nik ere gosetea eta miseria gibelarazteko parada badu(t)g(z)u borontatezko emaitza eginez. CDaren mozkinak elkarte hortara joanen dira osoki.

Ez da diska hau sinesdunei zuzendua (bakarrik). Xedea ahal bezainbat zabaltzea da, karitatea eta bihotz zabala bezala, balore hauek unibertsalak baitira.

Graxik eskertzen ditu proiektu huntan parte hartu dutenak:

- Pantxika Solorzano eta Xano Halsouet kantariak

- Belokeko Ignace Etchehandy eta Marcel Etchehandy, beren laguntzagatik,

- Frantxua Garat Larrungo Izpiritu saindua parropiako (Senpere-Azkaine-Sara) erretorra, proiektuan sinetsirik.

Proiektu hunen inguruan sortutako elkartasun sarean katebegi izaitea galdegina izan zaitan bezala, zu ere hala izaitea deitua zira. Ausarta zaitez! Eguberri hurbiltzen ari da. Eskuratu diska hau,entzun, eta CCFDrentzat emaitzak bildu. Nahi izanez gero, badakizue nun naizen (igor mezutxo bat)!

Ez ahal da salmo kantatuaren magia

Hitz guttiz adieraztezina erraitia

Hurbiltzea bihotzean den iturrira

Ez ahal da goresmen kanta olerkia

Gure arima gosearentzat ogia

Eta esperantzaren bidean argia

2014(e)ko azaroa 29, larunbata

'Esprit de solitude'



Hau da Jacqueline Kelenen liburuaren jatorrizko estalgia. Osoki larruztatu eta, larru mozaikaz irudikatu dut eta estilizatu bizian daramagun bidea, xendra bide luzea gorantza eta argiari buruz, bilaketa pertsonala, bakardadean ondua.

2014(e)ko azaroa 22, larunbata

Euskal oilar trukaketa: Erreziltik Azkainera

Ixtorio pollit bat kondatu behar dauzuet. Blog hunen bidez mezu bat ukan nuen joan den irailean:

"Egun on,

Errezileko (Gipuzkoa) baserri batetik idazten dizut.

Aizu, oilar marradunak badituzula ikusi dut. Guk ere baditugu.

Nahiko bazenu oilar bat trukatu genezake (guk zuri bat eman eta zuk guri beste bat). Zer diozu? Eskerrik asko eta laster arte!

Iñaki"

Alabaina 2009an gure euskal oilar marradunaren berri emana nuen begiurdin.org -en. Justu gazte bat bagenuela, hunen argazkia Iñakiri bidali nion:

Pialenbordako oilarra Errezilera joana. Argazkia 2014ko irailan hartua.

Pialenbordako oilarra Errezilera joana. Argazkia 2014ko irailan hartua.

Errezilgo Iñakiren erantzuna:

"Poz handia eman dit zure mezuak (eta oilarraren argazkia) jasotzeak...

Guk sei oilar marradun gazte ditugu (martxoan sortuak). Horietako ederrena zuentzako gordeko dugu."

Erran eta egin! Urruñan bizi den Iñakiren lagun baten bitartez, gure oilarra Gipuzkoako bidea hartu du, Errezilgo oilarraren truke. Ez dut gurearen berririk baina hitz ematen dauzuet Errezil deitu dugun gipuzkoar oilarra uros bizi dela gure etxean. Gozo-gozoa da, berehala laketu da, eremu zabalean nahi duen gisan ibiliz:

Errezil gure euskal oilar gipuzkoarra. Azkaine, 2014-11-22. Arg. Maite Deliart

Errezil gure euskal oilar gipuzkoarra. Azkaine, 2014-11-22. Arg. Maite Deliart

2014(e)ko azaroa 21, ostirala

Euskal antzerkiaren inguruko funtsa hizpide 1....

2014(e)ko urria 28, asteartea

Xalbador: Mixel Itzaina eta Beñat Sarasolaren ikuspegitik

Blog hau segitzen duzuenok ohartua zineten bertsularitzari buruzko aktualitatea hurbildik segitzen dutala. Egunero, ene lan eginbeharretakoetan sartzen da informazio zaintza egitea, besteak beste bertsularitzaz.
Goiz huntan sare sozialen bidez Eitb zabaldu literatur emankizun baten berri ukan dut. Egia erran, telebista guti edo kasik batere ez dut so egiten. Beraz hara nun interneten Hasier Etxebarriaren Sautrela literatur emanaldiaren ale bat harrapatu dut, bertsularitzari eta bereziki Xalbadorri dedikatua. Mixel Itzainak Xalbadorrez argitaratu duen liburuaz mintzo, bertsularitzari eta sormenari buruzko erreportaia, Beñat Sarasola Odolaren mintzoa liburuaz hitz egiten. Telebistak gutitan eskaintzen dauzkigun perla hau zurekin partekatu nahi dut:

2014(e)ko urria 26, igandea

Onddo guti aurten?!

2014 urtea ez da onddo urte gisa egonen oroimenetan. Udazken huntan hala ere, entzun izan da han eta hemen bazela, nahiz idortea nagusi izan. Sasoin iguzkitsuak onddoak idor eta ttikiak emanikan ere, etxekoek kilo batzuk bildu dituzte beren betiko tokietan egun pasa ibili ondoan. Janaldi on bat eta kontserba batzuren mentura ederra!

3 kilo eta erdi onddo beltz! Arg. Maite Deliart

3 kilo eta erdi onddo beltz! Arg. Maite Deliart

2014(e)ko urria 24, ostirala

Laurence Etchechuri Pasabidean erakusketan

Arcad arte bisualen sustatze elkarteak erakusketa bat antolatu du Hendaiako Mendi Zolan kultur gelan 3 egunez, urriaren 24etik 26ra, pasaia ideiaren inguruan osatua.

Laurence Etchechuri Pasabidean erakusketan

20 artistek (horietan 3 bikote), bakoitzak bere gisan, erakutsi daukute beren sortzaile prozesua, norberak ekai bat edo beste lehenesten duelarik, izan zura, tinta, mosaika edota eguneroko material arruntak...

Jatorri ezberdinekoak, euskaldunak, frantsesak, belgikarrak.

Euskaldunen artean, Delphine eta Marie Tambourindeguyk Euskal Herriko mapa interaktiboa aurkeztu digute:

Delphine eta Marie Tambourindeguyren obra. Hendaia, 2014-10-24. Arg. Maite Deliart

Delphine eta Marie Tambourindeguyren obra. Hendaia, 2014-10-24. Arg. Maite Deliart

Laurence Etchechuri Pasabidean erakusketan

Laurence Etchechuri (Donibane Lohizune, 1967) Azkainen bizi da. Duela 17 urte, bere semea sortu delarik, erabaki du bizimodutzat bezala sortzaile izatea eguneroko bizian. Artista profesionalak gogoeta bat darama sorkuntza prozesuaz eta artista definizioaz. Margolari, eskultore, plastikari, maite du balio gabeko objektuetarik abiatuta obra bat asmatzea, hala nola PVC hodiekin edo kable puxkekin. Kolorea eta alaitasuna nagusitzen da bere obretan:

Laurence Etchechuri Pasabidean erakusketan
Laurence Etchechuri-ren obra. Hendaia, 2014-10-24. Arg. Maite Deliart

Laurence Etchechuri-ren obra. Hendaia, 2014-10-24. Arg. Maite Deliart

Mendi Zolan kultur aretoarentzat erakusketa hau pauso berri bat da. Funtsa, ideia, ederra bai zinez. Domaia haatik 3 egunez baizik, hainbeste artisten obrak hain denbora laburrez erakutsiak izatea. Zaila, artista bakoitzaren lana astirat gozatzea. Mereziko lukete denbora luzeagoz egotea publiko zabalago bat hunkitzeko. Dena dela baduzue oraindik igande arrats arte bisita baten egiteko!

2014(e)ko urria 21, asteartea

1914-1918ko euskal presoen grabaketak Alemaniatik Euskal Herrira — Euskal kultur erakundea

#1914koGerla Alemaniako konzentrazio-guneetako euskal presoen grabaketak Berlinetik Euskal Herrira @eke_eus-ra http://t.co/W5J1lyfpKv

2014(e)ko urria 18, larunbata

laurence-etchechuri.com

Urriak 24-26 bitartean 20 artisten obrak ikusgai Hendaia Mendi Zolan, horietan Laurence Etchechurirenak http://t.co/6QBsSW9x3E

1860ko GRADUALE ROMANUM liburu arraroa (1) - Begiurdin

Ziburuko liburu-artelan elkarteak 2000an XIX. mendeko liburu bat zaharberritu zuen. Conchita Etxezaharretak Donibane Lohizuneko parropiari eman aitzin, erakutsi dauku: http://www.begiurdin.org/2014/10/1860ko-graduale-romanum-liburu-arraroa.html

2014(e)ko urria 17, ostirala

1860ko GRADUALE ROMANUM liburu arraroa (2)

XIX. Mezetako liburu zahar eta arraro hunek 4 orri-markagailu berezi dauka. Arrañatu zelarik 2000an, Angeluko bernardina serora ixilei galdegina izan zitzaien markagailuak brodatzea. Erran behar da serorek apezen jantziak brodatzen dituztela besteak beste.







Angeluko bernardina serora ixilen brodatze lana. Arg. Maite Deliart (Ziburuko liburu-artelan elkartea)

Ez ditu ez maiz holakorik arrañatu Ziburuko Liburu azalgintza elkarteak. "Gradual" zahar hunek merezi zuen dudarik gabe aipamen berezi bat, gehiago dena ezin estimatuzko gainbalioa hartu baitu konpondu ondoan.

1860ko GRADUALE ROMANUM liburu arraroa (1)

2000an, Ziburuko Liburu azalgintza elkarteak (Cercle de reliure d'art), liburu zahar hunen osoki berantolatzeko parada ukan zuen.
Zokoako Piarres Larzabal apezari eskainia zion Urruñako erlaitzan bizi zen buhame batek. Ziburuko artelan elkarte kide den Conchita Etxezaharretak eskuratu zuen arrañatua izan zadin elkartean. Geroztik Conchitak dauka. Nahi izan dio hil baino lehen Donibane Lohizuneko parropiari utzi. Joan den ostegunean, taillerrera ekarri du azken behakoa eman diezaiogun egindako lanari...





Graduale Romanum. Paris, 1860. Arg.. M. Deliart (Ziburuko Arte Liburu elkartea)

Orriak banan-banan arrañatu, liburua osoki urratu eta berriz josi, larruz estali, urreztatu Parisen, jende frangok parte hartu zuen berrantolatze lanetan. Jesus Martin Moro Donibane Lohizuneko organistak eta Angeluko bernardinak serora ixilak ere. Ondoko artikuluan azken hauen lana argazkien bidez erakutsiko dauzuet.

Euskal kulturaren lekukoak — Euskal kultur erakundea

2014(e)ko urria 15, asteazkena

"Folklorea Iparraldean", Nafarroako Dantzarien Biltzarrak antolatutako hitzaldi sorta

#dantza -ri buruz, 6 hitzaldi, 6 hizlari arraroak! http://t.co/J5mGSggeVd

Dantzari buruz, hizlari arraroak!!

Dantzari buruz, hizlari arraroak!!

2014(e)ko urria 14, asteartea

Giro ederra Bertso Eskolen Egunean

2014(e)ko urria 12, igandea

Senpere — xilaba

#xilaba Senpereko puntuazioa: http://t.co/k6AODYACiS

2014(e)ko urria 8, asteazkena

Bertsolaritza: gorputzak, gorpuzkerak eta gorputzaldiak - zuzeu.eus

2014(e)ko urria 6, astelehena

2014(e)ko urria 5, igandea

Silabaz Xilaba, Muskilditik abiatuta !

#Bertsularitza Silabaz #xilaba, Muskildiko saioaren bilduma http://t.co/XL4nrOcdoz

«Ez dugu nahi Xilabari 'Iparraldeko Txapelketa' deitzea»

#Bertsularitza Aitor Sarasua:«Ez dugu nahi #xilaba- ri 'Iparraldeko Txapelketa' deitzea» http://t.co/S7G5dxj7wc