Heldu den urte arte!

Eguberri on eta urte zaharra airoski ospa zazue!!!

Maialen Lujanbio TXAPELDUN

Joxe Agirre bertsolari aitonak Bertsolaritzak sortu duen alaba ederrenari, Maialen Lujanbio hernaniarrari, txapela jantzi dio BEC aretoan bilduak ziren 15 000 bertsozaleen aitzinean.


1980. hamarkadatik, gazteriak zaharkitua iduritzen zaukun bertsolaritzaren tradizioaren lekukoa hartu du, odolean su berdina biziaraziz!

Emozioz beteriko besta eguna. Goresmenak Maialen!
Aupa Bertsolaritza, Hizkuntza, Herria!

Sebastian Gonzalez TXAPELDUN

2009ko abenduaren 8a, luzaz oroituko da egun huntaz Sebastian Gonzalez gure azkaindar herritarra, Iparraldeko lehen 4 1/2ko txapelduna bilakatu baita.


Azkainera itzultzean, Axafla-baita ostatuan, ahaide eta lagun batzu errezebitu dute txapelduna. Mementu hunkigarriena, aitak semea besarkatu duelarik (ez du aitak partidarik gehiago segitzen, ez kantxan, ez eta etxean, bihotzagatik).


Jendearen harreraz biziki hunkitua, gogotik ari izan da galdegin sinaduren ematen... Aupa Sebastian, eta diozun bezala Aupa Iparraldea eta pilota !!!

Bertsolari Txapelketa Nagusia 2009 - Finala

Hara ! eskutan ditut finalerako txartel guziak (autobusa, sarrera, bazkaria) eta 14 500 behazaleen artean izango naiz, lehen aldikotz, Iparraldeko bertsozale lagun batzuekin.

Bertsolaritzaren hitzordu nagusi hunendako prest !

Gauean argi

Ea baten batek asmatzen duen zer den irudi hau !

Bizkaiko Matxitxakoko itsasargiak 100 urte

eitb.com-eko bideo pollit hunek oroitarazten dauku badirela oraino bizitegi diren itsasargi batzu. Deba eta Castro artean dagon Matxitxakoko itsasargi honetan daudenak Bizkaiko beste itsasargien ardura dute ere.
Zein polliki dion hor bizi izan den adineko emazte honek : ez zuen ez haur denboran jostagailurik behar, Kantauri itsasoaren begi zaindari zagon itsasargi hortan !