Maddi Zubeldia Abbadia jauregiko kaperan

2010eko Erlaitzaren besta berezia izan da, Anton Abbadia zientzialariaren eta euskaltzalearen sortzearen 200 urtemuga ospatu baita.

 Ederki zen, haren ohoratzeko, euskal kulturak bere lekua ukan dezan antolatuak ziren ekitaldi guzien artean.

Maddi Zubeldia euskal kantaria gustu handiz ari izan da kantuz giro berezi horretan, tanpez betea zagon jauregiko kaperan.

Ezkerretik eskuinera: Harkaitz Miner, Txomin Arizaga, Maddi Zubeldia, Jeannot Urtxegi

Maddi a capela Ramuntxo bere senarrarekin

Publikoa gustora!

Maddik bidaiatxo bat eginarazi dauku.

Bere sentsibilitate barnakorrarekin, bizitzaren gorabeherak inspiratzen dizkion gogoetak eskaini dizkigu. Begirunea eta baikortasuna nagusitu zizkio, "Gracias a la vida" Violeta Parra-ren kantuarekin bukatu duelarik. Eskerrak bizia goraipatzeagatik, denetan hain goibel presentatzen daukuten mundu honetan.

Emozio kontuen eragina

Ideia frango berria da: emozioek osagarrian duten eragina. Sinetsi ala ez.

Dela urte batzu, liburu bat irakurri nuen: "Gorputzaren memoria".

Oroit naiz esplikatua zela nola somatizatzen ginuen, haurtzaroko oroitzapen txarrek edo emozio azkarrek berdin beranduago gorputz atal batean ala bestean mina sortuz. Sinetsi ala ez.

Gauza bat segurra: odoltxarrak ez dio onik egiten osagarriari.

Joan den uztailean, UEUko yoga ikastaro bat segitu nuen Baionan. Ariketak egitean, erakasleak zion mentalen eragina handia zela. Zure buruari erraten badiozu: "gaur, osagarri onean naiz, ongi naiz" eta hori egunero errepikatzen baduzu, behako amultsu eta maitagarri bat eskaintzen diozu zure gorputzari. Horrek gauza ona baizik ez dio ematen ahal!

 

Bai ados bai, baina aski ote dea? eta janaria? eta gizarte berri hunek biziarazten daukun griñaren, "estresa"ren eragina!

 

Ene ZEN egutegian, gaurko orrialdeak (2010eko irailaren 22a) dio:

 

Emozio sakonek eta pisuek toki gehiegi ez zezaten har,

emozio kontu arinak harzkizu:

liburu humoristiko bat irakurri,

zineman komedia on bat ikusi,

kalitatezko otruntza bat egin,

oihanean ibili,

10 minutuz, musika entzun

edo berdin deusez egin...

 

Aholku arruntak! preseski arruntak direlako gogoetagarri atxematen ditudanak.

 

 

Hurrak, tipulak eta beste: baratzea emankor

2010 urtea, hur-urtea bai!

Hur-ondo hauek daukute hoinbeste fruitu eskaini, lau-pataka eman-ta biltzea aski!

Adixkide baten tipul landareak ere ederrak atera zaizkigu. Biziki ona den mota azukretu gozo hau haren familian belaunaldiz belaunaldi hazten dute eta prezioski atxikitzen!

Maikolak (ilarrak) ere idortzen ari dira artoarekin batean

Meloin hunen argazki hau Maia lankideari eskaintzen diot (zale gaitza da ta!)

Mahatsa ospatzen den sasoinean, ezin egon etxekoen berri eman gabe!

Merezi du ba baratzeak etxeko jabearen artatze lan batzu, ongi ordaindua ta!!!

Bizkaiko meategiak

Egun hauetako aktualitatean, Txilen lurpean blokatuak diren 33 meatzariak zertan dauden segitzen dugu. Hoinbeste denbora egon behar, zilo madarikatu hortarik ateratzeko, izigarrikeria da!

 Meategiak izan dira ere Euskal Herrian, Bizkaian bereziki. Industria huntan oinarritu da luzaz probintzia hunen aberastasuna edo bederen komertzio nagusia.

Aire librean zagon Europako gunerik handienak, hilak eta kolpatuak ehunka kondatzen zituen, Karmelo Uriarte meatzari ohiak kondatzen digun bezala:

 

Gure eskualdean, garaiak aldatu dira, zorionez, baina zenbat tokitan oraindik ez dute segitzen lan bortitz honetan (eta nolako baldintza gogorretan!).

Txilen, adibidez, langileak lurperatuak direnen meategian, meategi nazionaletan baino aise gehiago irabazten dute.

Lanbide bortitz huntan, holako diferentziak badirela ere jakiteak erakusten du pobrezia eta miseria bizirik den mamu beltz handi bat dela (ez da leher egitekotan, ikusiz zenbat gizon-emazte ta haur irensten dituen!).