Baratzean ari bainintzan
Papogorri hurbildu zitzautan
Hari ohartu bainitzaion
Elkar hizketan hasi zerautan
Ai zer ziztu zoragarria
Bai zu kantari paregabea
Nork derautzu erakatsia
Ta nor xoratzeko ikasia?
Lumaduna arin airetan
Hodeien artetik zerutiar
Lili urdina baratzean
Ederra izanik ere lurtiar
Lurtiarra zerutiarrari so
Baita zerukoa lurtiarrari
Biak adixkidetu seko
Geroztik beti batean kantari
Azkaine, 2015ko apirilaren 24a.
RT @egaroa: Apirilaren 23an gerturatu zaitez auzoko liburu-dendara eta egin oihu: Gora LIBURUAREN eguna!! http://t.co/QBAlDtc2yx
April 23, 2015
Mikel Erramouspe @euskalirratiak : '@eke_eus tresna bat da. Zer bilakatu den ageriko. Aldiz, helburua da inportanta' http://t.co/73vT0387ej
" EKE tresna bat da. Zer bilakatu den ageriko. Aldiz, helburua da inportanta "
Euskal Kultur Erakundeko Biltzar Nagusia iragan zen larunbatean. Mikel Erramuzpe lehendakaria Olatz Idoate eta Kriztof Arotzarenaren gomita: Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
#Bertsularitza garatzeko @bertsulari eta @eke_eus -en gutun amankomuna kultur eragileei http://t.co/OoD97pARzH
Bertsularitza garatu: Bertsularien Lagunak eta EKEren gutun amankomuna kultur eragileei
Horren berri emaiteko, gutun amankomun bat idatzi diete kultur eragileei - elkarte, besta komite ala gaztetxe -, jakinaraziz zernolako laguntza eskainia zaien eta zer baldintzetan, batez ere diru laguntza mailan. Bertsularien Lagunak eta EKEren gutuna (PDF)
@OndareBizia maiatzak 14-15 #ondareinmateriala hausnarketak, esperientziak eta praktikak, egitaraua: http://t.co/LTvtYjjWon
J. M. Bedaxagar-en elkarrizketa @IEHkohitza biziki interesanta! http://t.co/bgJaIKbWEP
"Kulturan erranahi asko animazio huts bilakatu dira"
Dantzari, txirula jotzaile eta kantari. Zuberoako kultura bizirik gordetzen dutenetako bat da Bedaxagar. Antzinakoen kultura jaso eta zabaltzen segitzen du berak. Iker Tubia Kulturaren transmisioan pertsona aktiboa da Jean Mixel Bedaxagar (Urdiñarbe, 1953). Orain ere, CD bat grabatzeko asmotan dabil. Baina kezkaturik da Zuberoako kulturaren segidarekin, eta hori izanen du hizpide gaur Iruñeko Kondestable jauregian, 19:30ean.
http://www.iparraldekohitza.info/2015/04/16/kulturan-erranahi-asko-animazio-huts-bilakatu-dira/
Ate idekiak Ortzaizeko ofizialen herrixkan maiatzaren 1tik 3ra http://t.co/PyxIrZpaxp
@euskalirratiak Luzien Etxezaharreta paregabea Günter Grass, Eduardo Galeano eta François Maspero idazle zenei buruz https://t.co/sbXcSJX04N
Adi adi AKORDEOI EGUNA Azkainen maiatzak 16 Kornelio musika eskolak antolaturik. @enrikezelaia & Gerard Luc omenduak http://t.co/8Yh6mzI9uU
Hizki batek dena aldatzen du.
Ba omen dago Kanbon ene izen-deitura bereko emazte bat. Haatik haren deitura Delhiart da, kontrabandista famatu batena hain zuzen.
Izenak garena egiten baigaitu, ez da batere gauza bera hala edo hola deitua izaitea!
Egiari egia eta norberari berea ematea zor baitzaio, banoazue kondatzera nola Voltoire-n obra bati Voltaire-n jabegoa eman zaion.
2014ko uztailan 9an, blog huntan eta sare sozialetan albiste hau hedatu nuen: "Bordeleko unibertsitateak bere liburu xahar numerizatuetan Voltaire-n euskarazko erranzahar bilduma bazaukala".
Alabainan Michel de Montaigne Bordele 3 unibertsitateko katalogoko fitxan fidatu nintzen.
"Anciens proverbes basques et gascons" ale numerizatuari hurbilagotik behatu izan banion, jakingo nuen autorea ez zela Voltaire bainan Voltoire! (liburu hastapenean preseski ederki azaldua da autoreaz guti jakin izana).
Funtsean, internet galdezkatuz geroz ere, http://data.bnf.fr/10186598/voltoire/ BNF Frantziako Liburutegi nazionalak Voltoire (15..-16..)-i buruz fitxa zehatza eskaintzen digu.
Interneten bidaiatzen maite duen idazle fin eta zorrotz bati zor diot zuzenketa pollit bezain interesanta hau. Baliatzen naiz hemendik haren eskertzeko, internautekin trukatzea oso aberasgarri baita.
Azkenik, jakin zazue Xarles Videgain euskaltzainak Voltoire-n Tresora hirur lenguaietaka, franzesa, española eta haskara (1642, Baiona) liburuaren berrargitalpena prestatu zuela, lehen edizioan oinarrituta. Hortaz Joxemiel Bidadorren artikuluan (Euskaldunon Egunkaria, 2000-7-21 eta 28) zer edo zer gehiago jakiteko parada baduzue. Eta beha berak zer aitortzen daukun: "Voltoireren Tresora-ren berri ematerakoan akats larria labandu zitzaigun, izan ere, berriki agertu den liburu honen azken faksimila ez baitu Xarritonek atondu Xarles Videgainek baizik. Bihoa ezerren aitzinetik geure barkamen eskea huts galanta honengatik".
Voltoire ez da Voltaire, are gutiago Videgain Xarriton :)) !!!
Aguxtin Alkhat-en elkarrizketa @eke_eus : "Nik uste herri honen arazo sakonena, kulturala dela" http://t.co/jRZzPpidrE
Aita doi bat ezagutuz, ez zaigu zaila irudikatzea zer ingurunean hazia izan zaren... Aita eta ama errotik euskaldunak izanki, euskal mundu horretan haziak izan gara, bai! Bertsolaritza eta abertzaletasunaren artean, bereziki. Ikastolan ibiliak gara, nahiz-eta, Armendaritze inguruan, hori ez ohikoa izan, gure garaian. Amikuzeko ikastolara joaten ginen, hiru familien artean moldatuz...
http://www.eke.eus/eu/kultura/lekukoak_lekuko/aguxtin-alkhat
Urtero Sarak eskaintzen daukun euskal literaturaren eta musikaren azokak ez du zimur itxurik hartzen.
Aurten ere, goizeko hamarretan ideki orduko jendea agertu da eta buztana egiten hasi sartze txartelak ukaiteko. Arrakasta hor da beti, berritasunak argitaratzen diren ber. Egiazko mindegi bat. Nahiz batzuk galdera egin araberako irakurlegorik badenetz. Ez balitz, ez litaike publikoa horrela hurbilduko, ez, zer diozue?
Batekin mintzatu, aspaldi ez ikusi beste batekin eleketan ahantzirik, harreman sozialen gune paregabea. Ez baita guti.
Aurtengo uzta aberatsa zinez bai, baina gustuko eskaintza guziei ezin buru egin, sakelak erretu eta hustu egin baitzait!
Xipri Arbelbide idazle nasaiarekin hizketan ari izan eta "Euskal Elizaren historia" liburua erosi onduan; Henri Duhauren "Bahnar deitu salbaiak" liburua eskuraturik, joan naiz Lucien Etxezaharreta Maiatz argitaletxeburuaren gana. Lehenik aldizkariaren 60. zenbakia eskaini daut ene partehartzea eskertzeko (bi olerki, blog huntan idatziak). Hor bi liburu erosi dizkiot: Eñaut Etxamendiren seigarren eta azken liburua, ezterentzubiarrak idatzi kantu eta olerkien bilduma (liburua + CDa); bai eta ere Piarres Troundayen "Galerna" obra.
Lucien Etxezaharreta, Maiatz. Idazleen Biltzarra. Sara, 2015-04-06
Jean-Louis Davant Maiatz-en mahaian, "Aljeriaz" bere liburua aurkezten ari. Sara, 2015
Xede berezi batekin hurbildua nintzen aurten. Maite Idirin-en bi cederomak erosi ditut, 1968 eta 1975 urteetako kantuekin osatua. ausArt records Klasikart Orioko disketxeak proposatu dio euskal kantarixari urte haietan publikatu 45T disken berrargitaratzea, nihun gehiago aurkitu ez ditaizkenak. Garai hartan ez zuen geroztik landua duen boz lirikoa. Luze ta zabal mintzatu gira bere ibilbideaz, bai kantatze tekniketaz.
Disketxe hunen mahaian denbora luzatu dut eta begi kolpea bota Gorriti Historikoaren 5CDko bildumari bai eta Coro Easok 3 boz apaletan interpretatu Lorenzo Perosi (1872-1956)-ren Misa de Requiem obra zoragarriari, Donostiako San Bizente elizan grabatua. Klasikoa gustukoa dutenek hain segur jada ezagut lezakete, bestela itzuliño bat egin dezatela http://www.klasikart.com/ gunean, ez zaie damutuko eta baditeke beren gustuko perla aurkitzea!
Ziburuko patchworkzaleak elkarteari izena eman behar eta, portuko Patxiku untzi famatuari keinu bat egin diote. Patch y Coud deitzen baita elkartea. Emazteak jostelanari atxikiak dira eta trebe, izan ohituraz eta beharrez ala hautuz. Bordagain dorrean erakutsi pieza andana guzia eskuz egina da, dena eskuz. Estalgi batzuen kasuan urteak pasatua.
Martine Grall elkarteburuak erakutsi dauku nola egin:
Ondoko lan zoragarri hau Normandiako emazte batek egina du:
Artisautza huntan ere, teknika bat baino gehiago erabilia da.
Patchwork egiteaz gain, ari dira brodatzen eta trikotatzen. Arrakasta ederra bildu duen elkartea, alabaina emazteei naturalki darioten eskulana baita.
Kontaktua: Patch y coud - Elkartetxea; J. B. Carassou etorbiudea. 64500 Ziburu
Martine Grall 06 61 82 12 34
Portzelana lantzen duen elkartea Zokoan kokatua da. Azitak xuriak eskuratu, hauen tindatze lanak urratsez urrats egiten dituzte, etapen artean labean ematen dutelarik beren obra. Hemen ere, lan artesa ikaragarria, marrazten eta margotzen jakitea galdegiten baitu.
Kontaktua: Ciboure porcelaine elkartea - Pilota plaza, Untxin auzoa. 64500 Ziburu
Agnès Dunoyer 06 07 21 85 42
 |
| Jean Roland, Jackie Cochet, Geneviève Sirol |
